Post 7: (Telugu)
ఆమె!
ఆశుధారా ప్రజ్వలిత స్వయంప్రకాసిత తార. నిరంతర చలనంతోమరువలేని ముద్రలువేస్తూ పరపరాగ అనురాగ విరాగాల్నీ, సోయగాల్నీ, బహిరంతర స్వేచ్చా ప్రవాహాల్నీ ఆనకట్టలు కడుతూనే- "ఆత్మస్తుతి- పరనింద"ల వాదనల్లోకీ, నిష్క్రియా పరత్వానికీఅంతేరకమైన భావదాస్యానికి లోనవ్వకుండా నన్ను పట్టి ఆపినఆంకుశం.
రేయ్! చదువును దువ్వరా అంటే జుట్టుని దువ్వుతావేమిరావెదవాయ్ అంటూ మెత్తగా చివాట్లు పెట్టినా- భాషంటేయజ్ఞోపవీతాల సొత్తు కాదురా అబ్బీ, నువ్వలా శూన్యంలోకిచూడకురా నన్ను భయపెట్టకురా అని డిప్ప మీద ఒక్కటేసిపదబంధవిన్యాసాల్ని తునాతునకలు చేసి నా చేతిలొ పెట్టింది.
కేవలం తరగతి గదికి సంభందించిన విద్యకే కట్టుబడకుండా, ఎన్నెన్నో నేర్పింది. తెలుగు సాహిత్యాన్నీ, సాహిత్యపు ఆటుపోట్లనీ, "నీలిమేఘాల" స్త్రీ వాదాన్ని పరిచయం చేసింది. మాక్జిం గోర్కీ"డాలరు పిశాచం" నుండి రావిశాస్త్రి "గోవులొస్తున్నాయ్ జాగ్రత్త" వరకు, ప్రేంచంద్ "రంగభూమి" నుండి ముళ్ళపూడి "మిధునం" వర కూ అన్నింటినీ తవ్వి తీసి నా ముందు పోసింది.
సిద్దాంత రాద్దాంతాలు చెయ్యకు గానీ, రుధిరాక్షర రక్తాశృవుల్నిగుర్తుపట్టి దాచిపెట్టుకో అని హితబోధ చేసింది. "మత్తేభాల" మత్తగజాల కూసాలు కదిల్చి, గురులఘువుల వ్యాకరణాన్నిఅర్ధమయేట్టు చెప్పింది. ఎల్లలు లేని సమాజాన్ని ఆమె కళ్ళతోకాకుండా దివిటీపట్టి నాకు అర్ధమయేట్టు చూపించింది .నాకు తిండిలేని రోజుల్లో ఆమె అక్షయపాత్ర- నా విద్యా ప్రాదాత - My Aes Sedai!
( Deicated to all the women who are in education field)
Credits to: anonymous 7 @EkaLustYa