Par agar dil ki zabaan mein kahun...
Toh is rishte ki raahon par
Jab-jab hum girne lage
Maine sambhalnaa chaha
Meri har khaami ko, har galti ko
Maine maana
Aur tumhare liye khudko badalnaa chaha
Na waqt humare saath tha...
Na qismat ne saath dia
Phir bhi humare liye maine wo sab kiya
Jisse "hum" bach sakte the
Humare beech
Thodi si jagah baaki thi
Jahan pe hum ab bhi "mohabbat" ko rakh sakte the
Par humne us jagah pe apni-apni zid rakhi
Phir bhi is dil ne
Ek khokli si ummeed rakhi
Is rishte mein hum dono ne
ghamand ki itni bheed kardi
Ki ab Humare bich mohabbat ki jagah nahin hai
Dil kehta hai ruk jaane ko...
Par sach kahun?
Ab rukne ki koi wajah nahin hai!
