ഒന്നിരുന്നാൽ ....

[Galaxystar]

ഒന്നിരുന്നാൽ ....
ഒത്തിരി
കാര്യങ്ങൾക്ക്
ഉത്തരം
മുട്ടുന്നപോലെ .

ഒന്നിരുന്നാൽ ......
ചിന്തകൾക്ക്
കനം
വയ്ക്കുന്ന പോലെ .

ഒന്നിരുന്നാൽ
പിന്നെ ....
പിന്നിലേയ്ക്ക്
ഓർമ്മകൾ
അള്ളിപ്പിടിച്ചു
പടർന്നിടങ്ങി
മുള്ളു കൊള്ളിച്ച്
കാടുകയറുന്ന പോലെ .

ഒന്നിരുന്നാൽ .....
ഒന്നിനു
കൊള്ളാത്തതു പോലെ .

ഒന്നിരുന്നാൽ .....
ചുറ്റിലും കടൽ
ഇരമ്പി തിര
പൊങ്ങുന്ന പോലെ .

ഒന്നിരുന്നു പോയാലോ
തല കീഴ്മേൽ
മറിയുന്നപോലെ .

ഒന്നിരുന്നാൽ ....
ഞാൻ
എന്നിൽ നിന്നും
എങ്ങോ
ഇറങ്ങുന്ന പോലെ .

എന്നാലും
ഒന്നിരുന്നു
ചിറകിൻ്റെ
ഭാരമൊന്നിറക്കി
വേണം
വീണ്ടു
പറക്കാൻ

അല്ലെങ്കിലോ ?

വഴിയിലെവിടെയെങ്കിലും
ചിറകൊടിഞ്ഞു
തൂവൽ
കൊഴിഞ്ഞ്
പൊട്ടിയ
പട്ടം പോൽ
ആടിത്തളർന്ന്
കുഴഞ്ഞു വീഴാം .

ആകയാൽ പകലിൻ്റെ തൂവൽ കൊഴിഞ്ഞ്
രാത്രിയുടെ ചിറകുമുളയ്ക്കുന്ന ഈ യാമത്തിൽ
ഉറക്കം മാറ്റിനിർത്തേണ്ട ഒന്നല്ല .
സമയത്തിന് ഉറങ്ങി നേരത്തെ ഉണരൂ .
സ്നേഹത്തോടെ ,