.
ചില ഇഷ്ടങ്ങൾ അങ്ങനെയാണ്, അപ്രതീക്ഷിതമായി പെയ്യുന്ന മഴ പോലെ എപ്പോഴാണ് പെയ്തു തുടങ്ങുന്നതെന്ന് പറയാനാവില്ല. പെയ്തു തോർന്നു കഴിയുമ്പോഴാകും നമ്മൾ ആകെ നനഞ്ഞ കാര്യം തന്നെ അറിയുന്നത്. നിന്നെക്കുറിച്ചുള്ള ചിന്തകളും എനിക്ക് അങ്ങനെ തന്നെയാണ്.
ചില നേരങ്ങളിൽ ഞാൻ വെറുതെ ആലോചിക്കാറുണ്ട്, എന്തുകൊണ്ടാണ് എനിക്ക് നിന്നോട് ഇത്രയേറെ ഇഷ്ടമെന്ന്. വാക്കുകൾക്ക് അതീതമായ എന്തോ ഒന്ന് നിന്നിലുണ്ട്... എനിക്കേറ്റവും പ്രിയപ്പെട്ട എന്തോ ഒന്ന്. അതെന്താണെന്ന് മാത്രം നീ എന്നോട് ചോദിക്കരുത്. എനിക്കതറിയാമായിരുന്നെങ്കിൽ ഈ ഇഷ്ടത്തിന് ഞാനൊരു പേരിട്ടേനെ. കാരണങ്ങൾ കൊണ്ട് തുടങ്ങുന്ന ഇഷ്ടങ്ങൾ ആ കാരണങ്ങൾ ഇല്ലാതാകുമ്പോൾ അവസാനിച്ചേക്കാം. എന്നാൽ യാതൊരു കാരണവുമില്ലാതെ തോന്നുന്ന സ്നേഹമാണല്ലോ ഹൃദയത്തിൽ എക്കാലത്തും മായാതെ കിടക്കുന്നത്. അതുകൊണ്ടാകാം എന്തിനാണെന്നറിയാതെ ഞാൻ നിന്നിൽ ഇത്രമേൽ അലിഞ്ഞുചേർന്നത്.
കാലങ്ങൾ എത്ര കൊഴിഞ്ഞുപോയാലും എന്റെ മനസ്സിൽ നീ ഈ നിമിഷം പോലെ തന്നെയുണ്ടാകും. നിന്നെ എന്റേതാക്കി മാറ്റണമെന്ന വാശിയേക്കാൾ, എന്നെ ഓർക്കുമ്പോൾ നിന്റെ മുഖത്ത് വിരിയുന്ന പുഞ്ചിരിയായിരിക്കണം ഞാനെന്നാണ് ഇന്നെന്റെ വലിയ ആഗ്രഹം. നാളെയൊരിക്കൽ നിന്നെ ഓർക്കുമ്പോൾ എന്റെ കണ്ണുകളിൽ കണ്ണുനീരാകരുത്, മറിച്ച് നമ്മൾ പങ്കുവെച്ച സന്തോഷത്തിൻ്റെ മനോഹാരിത മാത്രം അവിടെ ബാക്കിയാകണം. അതുപോലെ, എന്നെങ്കിലുമൊരിക്കൽ നീ എന്നെ ഓർക്കുമ്പോഴും നിന്റെ ഉള്ളിൽ ഏറ്റവും മനോഹരമായ ഒരു ഓർമ്മയായി ഞാൻ ജീവിക്കണം.
.
ചില ഇഷ്ടങ്ങൾ അങ്ങനെയാണ്, അപ്രതീക്ഷിതമായി പെയ്യുന്ന മഴ പോലെ എപ്പോഴാണ് പെയ്തു തുടങ്ങുന്നതെന്ന് പറയാനാവില്ല. പെയ്തു തോർന്നു കഴിയുമ്പോഴാകും നമ്മൾ ആകെ നനഞ്ഞ കാര്യം തന്നെ അറിയുന്നത്. നിന്നെക്കുറിച്ചുള്ള ചിന്തകളും എനിക്ക് അങ്ങനെ തന്നെയാണ്.
ചില നേരങ്ങളിൽ ഞാൻ വെറുതെ ആലോചിക്കാറുണ്ട്, എന്തുകൊണ്ടാണ് എനിക്ക് നിന്നോട് ഇത്രയേറെ ഇഷ്ടമെന്ന്. വാക്കുകൾക്ക് അതീതമായ എന്തോ ഒന്ന് നിന്നിലുണ്ട്... എനിക്കേറ്റവും പ്രിയപ്പെട്ട എന്തോ ഒന്ന്. അതെന്താണെന്ന് മാത്രം നീ എന്നോട് ചോദിക്കരുത്. എനിക്കതറിയാമായിരുന്നെങ്കിൽ ഈ ഇഷ്ടത്തിന് ഞാനൊരു പേരിട്ടേനെ. കാരണങ്ങൾ കൊണ്ട് തുടങ്ങുന്ന ഇഷ്ടങ്ങൾ ആ കാരണങ്ങൾ ഇല്ലാതാകുമ്പോൾ അവസാനിച്ചേക്കാം. എന്നാൽ യാതൊരു കാരണവുമില്ലാതെ തോന്നുന്ന സ്നേഹമാണല്ലോ ഹൃദയത്തിൽ എക്കാലത്തും മായാതെ കിടക്കുന്നത്. അതുകൊണ്ടാകാം എന്തിനാണെന്നറിയാതെ ഞാൻ നിന്നിൽ ഇത്രമേൽ അലിഞ്ഞുചേർന്നത്.
കാലങ്ങൾ എത്ര കൊഴിഞ്ഞുപോയാലും എന്റെ മനസ്സിൽ നീ ഈ നിമിഷം പോലെ തന്നെയുണ്ടാകും. നിന്നെ എന്റേതാക്കി മാറ്റണമെന്ന വാശിയേക്കാൾ, എന്നെ ഓർക്കുമ്പോൾ നിന്റെ മുഖത്ത് വിരിയുന്ന പുഞ്ചിരിയായിരിക്കണം ഞാനെന്നാണ് ഇന്നെന്റെ വലിയ ആഗ്രഹം. നാളെയൊരിക്കൽ നിന്നെ ഓർക്കുമ്പോൾ എന്റെ കണ്ണുകളിൽ കണ്ണുനീരാകരുത്, മറിച്ച് നമ്മൾ പങ്കുവെച്ച സന്തോഷത്തിൻ്റെ മനോഹാരിത മാത്രം അവിടെ ബാക്കിയാകണം. അതുപോലെ, എന്നെങ്കിലുമൊരിക്കൽ നീ എന്നെ ഓർക്കുമ്പോഴും നിന്റെ ഉള്ളിൽ ഏറ്റവും മനോഹരമായ ഒരു ഓർമ്മയായി ഞാൻ ജീവിക്കണം.
.