நட்பின் இலக்கணம்

[Heartbreaker]

சுயநலம் இல்லா உறவிதுவே
சுகதுக்கம் பகிரும் நிழலிதுவே,
இடர்கள் சூழும் வேளையிலும்
இடையறாது காக்கும் அரணிதுவே!
முகவரி பார்த்து வருவதில்லை
முடிவேதும் இதற்குத் தெரிவதில்லை,
இருவேறு உடல்கள் கொண்டாலும்
ஓருயிராய் வாழும் உறவிதுவே!
தவறுகள் செய்தால் கண்டிக்கும்
தனிமையில் ஆறுதல் தந்திடும்,
வார்த்தைகள் ஏதும் தேவையின்றி
மௌனத்தின் மொழியைப் புரிந்திடும்!
பணத்தால் இதனை வாங்க முடியாது
பகையால் இதனை வெல்ல முடியாது,
காலங்கள் கடந்து போனாலும்
காயங்கள் ஆற்றிட மறவாது!
விண்ணில் நிலவு உள்ளவரை
மண்ணில் உயிர்கள் வாழும்வரை,
உண்மையான நல் நட்பு
உலகில் என்றும் அழியாது!