neeraja
Newbie
ഇടവിട്ടെന്നെ വിളിക്കുന്നു
ഇടക്കണ്ണിനാൽ നോക്കുന്നു
ഇഷ്ടംതോന്നും ചേഷ്ടകളാൽ
ഇത്തിരി മോഹിപ്പിക്കുന്നു!
വിളിക്കാതരികിൽ വന്നീടും
വിരലാൽ തൊട്ടുവിളിച്ചീടും
വികൃതികൾ കാട്ടി നടന്നീടും
വീണ്ടും പോയിമറഞ്ഞീടും !
ചിന്തയിൽ ചിറകു വിരിച്ചീടും
ചുണ്ടിൽ പാറിക്കളിച്ചീടും
ചൂളമടിക്കും തെന്നലുപോൽ
ചുറ്റും തെന്നിനടന്നീടും!
അടുത്തുകാണും നേരത്ത്,
അരികിൽ ചേർത്തുപിടിച്ചീടാൻ ,
അഴകായവളെയൊരുക്കീടാൻ
ആശമുളച്ചു വളർന്നീടും!
ആരെന്തെന്നതറിഞ്ഞീടാൻ
ആരായുന്നൊരു നേരത്ത്
പിടി തന്നീടാതകലത്തിൽ
മറയും ,മായപ്പൊൻമാനായ് !
ചില നേരങ്ങളിൽ ചിരി പകരും
ചില നേരങ്ങളിൽ കരയിക്കും
ചിന്തയെ നീറ്റി ദഹിപ്പിക്കും
ചാറ്റൽമഴ പോൽ ചാറീടും!
ചപലത കാട്ടും ചങ്ങാതീ,
ചാരെ വരൂ നീ ,ചോദിക്കാം
ചൊന്നതു മെല്ലെ പകർത്തീ ഞാൻ
ചെറിയൊരു കവിത കുറിച്ചിടാം!
ഇടക്കണ്ണിനാൽ നോക്കുന്നു
ഇഷ്ടംതോന്നും ചേഷ്ടകളാൽ
ഇത്തിരി മോഹിപ്പിക്കുന്നു!
വിളിക്കാതരികിൽ വന്നീടും
വിരലാൽ തൊട്ടുവിളിച്ചീടും
വികൃതികൾ കാട്ടി നടന്നീടും
വീണ്ടും പോയിമറഞ്ഞീടും !
ചിന്തയിൽ ചിറകു വിരിച്ചീടും
ചുണ്ടിൽ പാറിക്കളിച്ചീടും
ചൂളമടിക്കും തെന്നലുപോൽ
ചുറ്റും തെന്നിനടന്നീടും!
അടുത്തുകാണും നേരത്ത്,
അരികിൽ ചേർത്തുപിടിച്ചീടാൻ ,
അഴകായവളെയൊരുക്കീടാൻ
ആശമുളച്ചു വളർന്നീടും!
ആരെന്തെന്നതറിഞ്ഞീടാൻ
ആരായുന്നൊരു നേരത്ത്
പിടി തന്നീടാതകലത്തിൽ
മറയും ,മായപ്പൊൻമാനായ് !
ചില നേരങ്ങളിൽ ചിരി പകരും
ചില നേരങ്ങളിൽ കരയിക്കും
ചിന്തയെ നീറ്റി ദഹിപ്പിക്കും
ചാറ്റൽമഴ പോൽ ചാറീടും!
ചപലത കാട്ടും ചങ്ങാതീ,
ചാരെ വരൂ നീ ,ചോദിക്കാം
ചൊന്നതു മെല്ലെ പകർത്തീ ഞാൻ
ചെറിയൊരു കവിത കുറിച്ചിടാം!
