ചില ദിവസം ഉണ്ടാവും... യാതൊരു ഫീലിങ്‌സും ഇമോഷൻസും ഇല്ലാതെ ഒഴുക്കിനൊത്ത് പോകുന്ന ദിവസം.. എനിക്കത് ചിലപ്പോൾ ദിവസങ്ങൾ നീണ്ടു പോവാറുണ്ട്.. തന്നിൽ തന്നെ ഒതുങ്ങി ദിവസവും കാണുന്ന കാഴ്ചകളും എന്നും മിണ്ടുന്നവരുടെ സംസാരവും എല്ലാം മാറി നിന്നു നോക്കി കണ്ടു കൊണ്ട്.. അത്തരം ദിവസങ്ങൾ ഞാൻ കഴിവതും എന്റെ മുറിയിൽ കഴിച്ചു കൂട്ടുകയാണ് പതിവ്. അപ്പോൾ സ്ഥിരം മിണ്ടുന്നവർ ആവില്ല കൂടെ ഉണ്ടാവുക.. ആദ്യമായ് കാണുന്നവരോട് ഒരു തരത്തിലുള്ള ഫീലിങ്‌സും ഇല്ലാതെ കുറച്ചു നേരം സംസാരം.. സ്ഥിരം കേൾക്കാത്ത ചില പാട്ടുകൾ.. പുതുമയാണ് അപ്പോൾ നല്ലത് എന്നെനിക്ക് തോന്നും.. അങ്ങനെ ഇരിക്കുമ്പോൾ ആണ് അവന്റെ വരവ്.. ഇന്നേ വരെ കൂടുതൽ അടുത്തറിഞ്ഞിട്ടില്ല.. പക്ഷെ അവനോട് എന്ന് മിണ്ടിയാലും തുടക്കത്തിൽ ഒരു ഉന്മേഷവും ഇല്ലാതെ ആവും തുടങ്ങുക.. അവസാനം അവന്റെ ചില റാപ്പ് സോങ്‌സ് എനിക്ക് പൊട്ടിച്ചിരികൾ ആയിരിക്കും സമ്മാനിക്കുക..പലയാവർത്തി അതുണ്ടായപ്പോൾ എനിക്ക് മനസിലായി ഇവനോട് എപ്പോൾ മിണ്ടിയാലും അവസാനം ഞാൻ ഒത്തിരി സന്തോഷവതി ആയിരിക്കും.പിന്നീട് ഓർത്തോർത്തു ചിരിക്കാനുള്ള എന്തെങ്കിലും തന്നിട്ടാവും അവൻ പോയിട്ടുണ്ടാവുക. പക്ഷെ ഇന്നലെ അവൻ തികച്ചും നോർമൽ ആയിരുന്നു.. ഞാൻ കണ്ടിട്ടില്ല മുൻപ് അവനെ ഇങ്ങനെ.. പക്ഷെ അതായിരുന്നു എന്റെ അപ്പോഴത്തെ മൂഡിനും നല്ലത്.. കുറെ നേരം സംസാരിച്ചു.. എവിടൊക്കെയോ പറഞ്ഞു പറഞ്ഞു എത്തി... അവസാനം അവൻ എനിക്കൊരു മ്യൂസിക് സജസ്റ്റ് ചെയ്തു..monoman musics...ഇന്ന് മുഴുവൻ അതായിരുന്നു എന്റെ കാതുകളിൽ.. കണ്ണടച്ചു കിടന്നു അത് കേൾക്കുമ്പോൾ മുഖത്തു നേർത്ത പുഞ്ചിരി മാത്രം ബാക്കിയായി.അപ്പോൾ എന്നിൽ നിറഞ്ഞ വികാരം ഒന്ന് മാത്രം ആയിരുന്നു.. മനസ്സമാധാനം...ഒരുപക്ഷെ നീയും ഇങ്ങനെയാകും നിന്റെ ദിവസങ്ങൾ മനോഹരമാക്കുന്നത്.. പോയി വരാം എന്ന് നീ പറഞ്ഞു പോകുമ്പോൾ അതുവരെ ഇല്ലാതിരുന്ന ഒരു സംതൃപ്തി മനസ്സിൽ നിറഞ്ഞിരുന്നു.
Last edited:
