Happy halloween day 2023
- Thread starter Nellore Nerajana
- Start date
ఈ పండుగ పుట్టింది ఐర్లాండులో. 1846లో ఏర్పడిన తీవ్రమైన కరువు కారణంగా ఉత్తర అమెరికాకు వలస వెళ్లిన ఐర్లాండు ప్రజలు.. ఈ సంప్రదాయాన్ని పరిచయం చేశారు. దీన్ని సాంహైన్ పండుగ అని కూడా అంటారు. పంట కోతల కాలం ముగింపు సందర్భంగా నిర్వహించే వేడుక క్రమేనా ప్రపంచమంతా పాకింది. రోమన్ పాలనకు ముందు బ్రిటన్ స్పెయిన్, గాల్ ప్రాంతాలను ఆక్రమించిన యూరోపియన్లు (సెల్టిక్ లేదా కెల్ట్‌లు) ‘హాలోవిన్’ను కొత్త సంవత్సరంగా ఈ తరహా వేడుక జరుపుకునేవారని చరిత్రకారులు చెబుతున్నారు.
ఏటా అక్టోబరు 31న.. ప్రాణం ఉన్నవారికి, మరణించినవారికి మధ్య సరిహద్దులు తొలగిపోతాయని వీరి నమ్మకం. పూర్వం ‘హాలోవీన్’ రోజున పశువులను బలి ఇచ్చి, వాటి ఎముకలను కాల్చేవారు.
చెడు ఆత్మలను అనుకరిస్తూ.. దెయ్యాలు, మంత్రగత్తుల్లా వస్త్రాలు ధరించడం సాంప్రదాయంగా వస్తోంది. ‘ఆల్ హలో ఈవెనింగ్’ నుంచి ఈ ‘హాలోవిన్’ పుట్టింది. దీన్ని ‘ఆల్ సెయింట్స్ డే’ అని కూడా పిలుస్తారు. ఒకప్పుడు అమెరికా సంయుక్త రాష్ట్రాల్లో మాత్రమే జరిగిన ఈ వేడుక ఇప్పుడు ప్రపంచమంతా పాకింది.
ఈ రోజున పలు హర్రర్ సినిమాల్లోని భయానక పాత్రలను అనుసరిస్తూ వికృత వేషధారణల్లో కనిపిస్తారు. ఈ రోజున పిల్లలతో నిర్వహించే ఆకతాయి ఆట ‘ట్రిక్ ఆర్ ట్రీట్’ భలే ఫేమస్.
‘హలోవీన్’లో అంత్యంత ముఖ్యమైనది ‘జాక్-ఒ-లాంతర్’. గుమ్మడికాయలో లాంతర్లను ఏర్పాటు చేసి అలంకరించడం. వ్యసనపరుడైన జాక్ అనే ముసలి రైతు.. తనని బాగా విసిగిస్తున్న దయ్యాన్ని చెట్టు ఎక్కించి శిలువగా మార్చేస్తాడు. దీంతో, ఆ దెయ్యం జాక్ వద్ద ఉన్న లాంతర్ దీపంతోనే భూమిపై తిరగాలని శపిస్తుంది. ఆ సమయంలో జాక్ చేతిలో ముల్లంగితో తయారు చేసిన లాంతరు ఉంటుంది
ప్రస్తుతం హాలోవీన్‌లో గుమ్మడి కాయల లాంతర్లనే వాడుతున్నారు. చీకటి పడగానే వాటిని గుమ్మం ముందు ఉంచుతారు. హాలోవీన్ రోజున నలుపు, నారింజ రంగుల వస్త్రాలు ఎక్కువ ధరిస్తారు. ఈ వినూతనమైన పండుగ మీకూ జరుపుకోవాలని ఉందా? మరి ఇంకెందుకు ఆలస్యం! ఈ అక్టోబరు 31న మీరు కూడా భయానక వేషధారణలో ‘హాలోవీన్’ను సెలబ్రేట్ చేసుకోండి.
Assur
Favoured Frenzy
Thank you