ഓർമ്മപ്പുസ്തകം

[Galaxystar]

പഴയ ഒരു ദിനപ്പതിപ്പിന്റെ
മഞ്ഞപ്പട്ടിനുള്ളിൽ
നീ ചിരിച്ചിരിക്കുന്നു
ഇന്നും പുതുതായി

കാലം പൊളിച്ചെറിഞ്ഞ
ചെറിയ ചില നിമിഷങ്ങൾ
എന്നിൽ സൂക്ഷിച്ചവ
നിധിപോലെ തിളങ്ങുന്നു..

നമ്മൾ രണ്ടുപേരും
മറന്നെന്നു കരുതിയ
ആ വഴിയരികിൽ
ഓർമ്മകൾ ഇന്നും
നമ്മളെ കണ്ടെത്തുന്നു

നീ ഇല്ലാത്ത ദിവസങ്ങളിൽ
നിന്നോട് ചേർത്ത് വെച്ച
ചെറിയ സ്വപ്നങ്ങൾ
എൻ്റെ നെഞ്ചിൽ വിടാതെ
മറഞ്ഞു നിൽക്കുന്നു

പാഴായിപ്പോയ കഥയല്ല
നമ്മുടെ ബന്ധം
വായിച്ചു തീർക്കാത്ത
ഒരു പേജ്
ഇന്നും തുറന്നുകിടക്കുന്നു…